'இந்தியன் 2' மாதிரி 100 படம் எடுத்தாலும் ஊழல் ஒழியாது: நாம் தமிழர் கட்சியின் ஒருங்கிணைப்பாளர்..!
- IndiaGlitz, [Friday,July 12 2024]
உலக நாயகன் கமல்ஹாசன் நடிப்பில் ஷங்கர் இயக்கத்தில் உருவாகியுள்ள ’இந்தியன் 2’ திரைப்படம் இன்று வெளியாகி உள்ள நிலையில் இந்த படத்திற்கு கலவையான விமர்சனங்கள் வெளிவந்து கொண்டிருக்கின்றன.
இந்த நிலையில் இன்று கமல்ஹாசனுடன் நாம் தமிழர் கட்சியின் ஒருங்கிணைப்பாளர் ’இந்தியன் 2’ படத்தை பார்த்த நிலையில் அவர் படம் பார்த்த பிறகு தனது கருத்தை தெரிவித்துள்ளார்.
அவர் செய்தியாளர்களிடம் கூறும்போது ’இந்தியன் 2’ படத்திற்கு அனைவரும் ஆதரவு தர வேண்டும், அப்போதுதான் இதே மாதிரி சிறப்பான படைப்புகள் தொடர்ந்து வெளிவரும். இந்த படத்தை பொழுதுபோக்காக மட்டும் பார்க்காமல், ஊழல் நிறைந்த அழுக்கு சமூகமாக இருக்கும் சமூகத்தை பழுது பார்க்கும் ஒரு கலையாக பார்க்க வேண்டும்.
ஆனால் அதே நேரத்தில் ’இந்தியன் 2’ மாதிரி 100 படம் எடுத்தாலும், ஊழல் லஞ்சத்தை ஒழிக்க முடியாது. நாம் எல்லோரும் லஞ்சத்துக்கு எதிராக மாறினால் தான் இந்த சமூகம் மாறும். ஊழல் லஞ்சம் இருக்கும் வரை இந்த படத்திற்கான தேவை இருக்கும். நோய் இருக்கும் வரை மருந்து கொடுத்து தான் ஆக வேண்டும், தாயின் கருவறை முதல் கோவில் கருவறை வரை லஞ்சம் நிறைந்துள்ளது’ என்று தெரிவித்தார்.