உலக நாயகன் கமல்ஹாசன் வரும் 21ஆம் தேதி இராமேஸ்வரத்தில் உள்ள முன்னாள் ஜனாதிபதி அப்துல் கலாம் அவர்களின் இல்லத்தில் இருந்து தனது அரசியல் பயணத்தை தொடங்கவுள்ளார். கட்சியின் பெயரை அறிவித்துவிட்டு பின்னர் ராமநாதபுரத்தில் இருந்து மக்களை சந்திக்கும் முதல் அரசியல் பயணத்தையும் ஆரம்பிக்கவுள்ளார்

இந்த நிலையில் தனது முதல் அரசியல் பயணத்திற்கு 'நாளை நமதே' என்ற பெயரை கமல்ஹாசன் அறிவித்துள்ளார்.  தமிழகத்தை நாளை தமிழர்களுடையதாக, மனிதர்கள் வாழக்கூடிய பிரதேசமாக மாற்றுவதே ‘நாளை நமதே’ பயணத்தின் நோக்கம் என்று கமல் அறிவித்துள்ளார். இராமநாதபுரத்தில் தொடங்கும் இந்த அரசியல் பயணம், அதன் பின்னர் மதுரை, திண்டுக்கல், சிவகங்கை உள்ளிட்ட மாவட்டங்களில் சுற்றுப்பயணம் தொடரவுள்ளது

கமல்ஹாசனின் 'நாளை நமதே' என்ற இந்த அரசியல் பயணம் எந்த அளவுக்கு மக்களின் தாக்கத்தை ஏற்படுத்த போகிறது என்பதை பொறுத்திருந்து பார்ப்போம்