விஷால்-மிஷ்கினின் துப்பறியும் பணி இன்று தொடங்கியது
- IndiaGlitz, [Monday,September 26 2016]
விஷால் நடித்து வந்த 'கத்திச்சண்டை' படப்பிடிப்பு முடிவடைந்து வரும் தீபாவளி தினத்தில் வெளியாகவுள்ள நிலையில் அவருடைய அடுத்த படமான 'துப்பறிவாளன்' திரைப்படத்தை பிரபல இயக்குனர் மிஷ்கின் இயக்கவுள்ளார் என்ற செய்தியை ஏற்கனவே பார்த்தோம்.
இந்நிலையில் இந்த படத்தின் படப்பிடிப்பு இன்று பூஜையுடன் தொடங்கியது. இதனையடுத்து இந்த படத்தின் படப்பிடிப்பு விறுவிறுப்பாக நடைபெறவுள்ளதாக படக்குழுவினர் தெரிவித்துள்ளனர்.
விஷால், வினய், பிரசன்னா, ராகுல் ப்ரித்திசிங் மற்றும் கே.பாக்யராஜ் உள்பட பலர் நடிக்கவுள்ள இந்த படத்தை விஷாலின் விஷால் பிலிம் பேக்டரி நிறுவனம் தயாரிக்கவுள்ளது. அரோல் கரோலி இந்த படத்திற்கு இசையமைக்கின்றார்.