விஷால் நடிப்பில் லிங்குசாமி இயக்குவதாக இருந்த சண்டக்கோழி 2' திரைப்படம் டிராப் ஆனதையும், அதற்கு பதிலாக விஷால் நடிக்கவுள்ள அடுத்த படத்தை இயக்குனர் மிஷ்கின் இயக்கவுள்ளதாகவும், இந்த படத்தை விஷாலின் 'விஷால் பிலிம் பேக்டரி நிறுவனமே தயாரிக்கவுள்ளதாகவும் வந்த செய்தியை ஏற்கனவே பார்த்தோம். இந்நிலையில் இந்த படம் மிஷ்கினின் சூப்பர் ஹிட் வெற்றி பெற்ற ஒரு படத்தின் இரண்டாம் பாகம் என்ற தகவல் தற்போது வெளிவந்துள்ளது.

'சித்திரம் பேசுதடி' படத்திற்கு பின்னர் மிஷ்கின் இயக்கிய சூப்பர் ஹிட் திரைப்படம் 'அஞ்சாதே'. நரேன், அஜ்மல், பிரசன்னா, விஜயலட்சுமி, பாண்டியராஜன் உள்பட பலர் நடித்த இந்த திரைப்படம் மெகா ஹிட் ஆனது. தற்போது இந்த படத்தின் இரண்டாம் பாகத்தைத்தான் மிஷ்கின் இயக்கவுள்ளதாகவும், அதில் விஷால் நடிக்கவுள்ளதாகவும் கூறப்படுகிறது.

இதுகுறித்த அதிகாரபூர்வ அறிவிப்பு இன்னும் சில நாட்களில் வெளியாகும் என்றும், மிஷ்கின் நடித்து வரும் 'சவரக்கத்தி' திரைப்படம் இறுதிக்கட்டத்தில் இருப்பதால் இந்த படத்தை முடித்த பின்னர் அவர் 'அஞ்சாதே 2' படத்தை ஆரம்பிக்கவுள்ளதாகவும் செய்திகள் வெளிவந்து கொண்டிருக்கின்றது.