'இரவுக்கு ஆயிரம் கண்கள்' கதை கிடைத்தது எங்கே? இயக்குனர் கூறிய தகவல்
- IndiaGlitz, [Saturday,May 19 2018]
ஒரு திரைப்படத்தில் மிகப்பெரிய ஹீரோ நாயகனாக நடித்திருந்தாலும், அந்த படத்தின் கதை சரியில்லை என்றால் தோல்வி அடையும் என்பது கோலிவுட் திரையுலகினர்களின் அனுபவமாக இருந்து வருகிறது. எனவே ஒரு திரைப்படத்தின் முதல் ஹீரோ கதை தான் என்பது அனைவரின் நம்பிக்கை
அந்த வகையில் கடந்த வாரம் வெளியான மூன்று வெற்றிப்படங்களில் ஒன்று 'இரவுக்கு ஆயிரம் கண்கள். இந்த படத்தின் வெற்றிக்கும் அதன் அழுத்தமான வித்தியாசமான கதையே காரணம்.
இந்த படத்தின் கதை தனக்கு ஒரு பத்திரிகை செய்தியில் இருந்து கிடைத்ததாகவும், அந்த செய்தியை கருவாக வைத்து சினிமாவுக்காக சில மாற்றங்கள் செய்ததாகவும் இந்த படத்தின் இயக்குனர் மாறன் கூறியுள்ளார். இவர் பல ஆண்டுகள் பத்திரிகை துறையில் பணிபுரிந்தவர் என்பதும், சுரேஷ்கிருஷ்ணா, கே.வி.ஆனந்த், ராகவா லாரன்ஸ் போன்றவர்களிடம் உதவி இயக்குனராக இருந்தவர் என்பதும் குறிப்பிடத்தக்காது.
முதல் படத்தின் வெற்றியை தொடர்ந்து அடுத்த படத்தின் கதையை தயார் செய்துவிட்டதாகவும், தனது அடுத்த படமும் க்ரைம் த்ரில்லர் படம்தான் என்று கூறிய இயக்குனர் மாறன், விரைவில் இந்த படம் குறித்த அறிவிப்பை வெளியிடுவதாக தெரிவித்துள்ளார்.