கோலிவுட் திரையுலகில் நடிகர் மற்றும் இசையமைப்பாளர் என்ற இரண்டு துறையிலும் பிசியாக இருந்து வருபவர் ஜிவி பிரகாஷ் என்பது தெரிந்ததே. அவர் தற்போது ஒரே நேரத்தில் சுமார் ஒன்பது படங்களில் நடித்து வருகிறார் என்பதும் இரண்டுக்கும் மேற்பட்ட படங்களில் இசையமைத்து வருகிறார் என்பதும் குறிப்பிடத்தக்கது.

இந்த நிலையில் ஜிவி பிரகாஷின் முதல் சர்வதேச ஆங்கில ஆல்பம் தற்போது தயாராகி கொண்டு வருகிறது. இது குறித்து ஜிவி பிரகாஷ் தனது சமூக வலைத்தளத்தில் கூறியபோது ’என்னுடைய முதல் சர்வதேச ஆங்கில ஆல்பம் விரைவில் வெளியாக இருக்கிறது. எனது நீண்ட நாள் கனவு தற்போது நனவாகப் போகிறது. ’கோல்ட் நைட்ஸ்’ என்ற டைட்டில் கொண்ட இந்த ஆல்பத்தின் ஃபர்ஸ்ட் சிங்கிள் வரும் செப்டம்பர் 17ஆம் தேதி வெளியாக உள்ளது’ என்று கூறியிருக்கிறார்.

இந்த ஆல்பத்திற்கு ஜீவி பிரகாஷ் இசை அமைத்துள்ள நிலையில் பிரபல கனடா நாட்டின் பாடகி ஜூலியா கர்தா அவர்கள் பாடியுள்ளார். இந்த சர்வதேச ஆல்பத்திற்காக ஜிவி பிரகாஷின் ரசிகர்கள் பெரும் எதிர்பார்ப்புடன் காத்திருக்கின்றனர்.

Hi everyone ...my first international English album is on its way ..a dream come true for me it’s called as #coldnights .the first single will release on September 17th .need ur love and blessings @JuliaGartha @randy_merrill @orchtweets @oklistenin @proyuvraaj @jehovahsonalghr pic.twitter.com/GSBfpzA9LS

— G.V.Prakash Kumar (@gvprakash) August 28, 2020