మ్యూజికల్ హిట్ 'శీను'కి 18 ఏళ్లు
- IndiaGlitz, [Sunday,August 27 2017]
'బిచ్చ‌గాడు' వంటి సంచ‌ల‌న విజ‌యం సాధించిన చిత్రాన్ని రూపొందించి వార్త‌ల్లోకి ఎక్కిన దర్శకుడు శ‌శి.. తెలుగులో చాన్నాళ్ల క్రిత‌మే ఓ సినిమాని రూపొందించాడు. అదే శీను. త‌మిళంలో శ‌శినే రూపొందించిన సొల్లామ‌లే చిత్రానికి రీమేక్ వెర్ష‌న్ ఇది. వెంక‌టేష్ టైటిల్ పాత్ర‌లో న‌టించిన ఈ చిత్రంలో బాలీవుడ్ న‌టి ట్వింకిల్ ఖ‌న్నా హీరోయిన్‌గా న‌టించింది. క‌థానాయిక‌గా బిజీ ఉన్నప్ప‌టికీ నాటి అందాల న‌టి రాశి మొద‌టిసారిగా ప్ర‌త్యేక గీతంలో మెరిసిందీ సినిమా కోసం.
ఫీల్‌గుడ్ మూవీగా రూపొందిన ఈ చిత్రానికి మ‌ణిశ‌ర్మ అందించిన సంగీతం హైలెట్‌గా నిలిచింది. ప్రేమంటే ఏమిటంటే, హ‌ల్లో నేరేడు క‌ళ్ల‌దానా, ఏ కొమ్మ‌కాకొమ్మ, ఏమ‌ని చెప్ప‌ను ప్రేమా.. ఇలా పాట‌ల‌న్నీ సూపర్ హిట్టే అయ్యాయి. సూప‌ర్‌గుడ్ ఫిల్మ్స్ బేన‌ర్‌పై ఆర్.బి.చౌద‌రి నిర్మించిన ఈ చిత్రం ఆశించిన విజ‌యం సాధించ‌న‌ప్ప‌టికీ.. మ్యూజిక‌ల్‌గా మాత్రం ఓ సెన్సేష‌న్‌. ఆగ‌స్టు 27, 1999న విడుద‌లైన మ్యూజికల్ హిట్ 'శీను' నేటితో 18 వ‌సంతాల‌ను పూర్తిచేసుకుంటోంది.