క్రియేటివ్ డైరెక్ట‌ర్ కృష్ణ వంశీ తెర‌కెక్కిస్తున్న చిత్రం `రంగ‌మార్తాండ‌`. ప్ర‌కాశ్‌రాజ్‌, ర‌మ్య‌కృష్ణ ప్ర‌ధాన పాత్ర‌ల్లో న‌టిస్తున్నారు. ఈ సినిమా మ్యూజిక్ సిట్టింగ్స్ జ‌రుగుతున్నాయి. ఈ విష‌యాన్ని త‌న ట్విట్ట‌ర్ అకౌంట్ ద్వారా తెలియ‌జేసిన డైరెక్ట‌ర్ కృష్ణ‌వంశీ తాను చెన్నైలో ఇళ‌య‌రాజాను క‌లుసుకున్నాన‌ని అన్నారు. అనంత‌రం ఇళ‌య‌రాజా మ్యూజిక్ కంపోజ్ చేస్తున్న వీడియోను పోస్ట్ చేసిన కృష్ణవంశీ.. ``కేవ‌లం కొన్ని నిమిషాల్లోనే ఆయ‌న అద్భుత‌మైన రెండు ట్యూన్స్‌ను అందించారు. వైవిధ్యంగా, ప్ర‌యోగాత్మ‌కంగా ట్యూన్స్ ఇవ్వ‌డం ఆయ‌న‌కే సాధ్యం. పాట‌కు సంబంధించిన సిట్యువేష‌న్స్ విని ఎంత‌గానో అప్రిషియేట్ చేశారు`` అంటూ మెసేజ్‌ను కూడా పోస్ట్ చేశారు.

2016లో సాయిధరమ్‌తేజ్‌తో కృష్ణవంశీ నక్షత్రం అనే సినిమాను డైరెక్ట్‌ చేశాడు. ఆ సినిమా అనుకున్న మేర విజయాన్ని సాధించలేదు. దాంతో కృష్ణవంశీని ఎవరూ పట్టించుకోలేదు. దాదాపు మూడేళ్ల తర్వాత ఈయన మరో సినిమాను ట్రాక్‌ ఎక్కిస్తుండటం విశేషం. అన్ని కార్యక్రమాలను పూర్తి చేసి సినిమాను వచ్చే ఏడాది ద్వితీయార్థంలో విడుదల చేయాలని అనుకుంటున్నారట దర్శక నిర్మాతలు. మరి ఈ సినిమాతో అయినా మన క్రియేటివ్‌ డైరెక్టర్‌ బౌన్స్‌ బ్యాక్‌ అవుతాడో లేదో చూడాలి.