இனிமேல் பேச்சு இல்லை, வீச்சு தான்.. விஜய்யின் 'கோட்' பட பிரபலம்..!
- IndiaGlitz, [Tuesday,February 06 2024]
தளபதி விஜய் நடித்து வரும் ‘கோட்’ படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் முக்கிய பணியாற்றும் ஒருவர் இனிமேல் பேச்சு இல்லை, வீச்சு தான் என பேட்டி அளித்திருப்பது பரபரப்பை ஏற்படுத்தி உள்ளது.
தளபதி விஜய் நடிப்பில், வெங்கட் பிரபு இயக்கத்தில், யுவன் சங்கர் ராஜா இசையில், ஏஜிஎஸ் நிறுவனத்தின் தயாரிப்பில் உருவாகி வரும் திரைப்படம் ‘கோட்’. இந்த படத்தின் படப்பிடிப்பு தற்போது புதுச்சேரியில் நடந்து வருவதாகவும் இன்றைய படப்பிடிப்பில் விஜய், சினேகா, மோகன் உள்ளிட்டோர் கலந்து கொண்டு இருப்பதாகவும் கூறப்படுகிறது.
இந்த நிலையில் ‘கோட்’ படத்தின் இசையமைப்பாளர் யுவன் சங்கர் ராஜா செய்தியாளர்களிடம் ‘கோட்’ படம் பற்றிய அப்டேட் கேட்ட போது சிரித்துக் கொண்டே ’இந்த முறை தெளிவாக இருக்கிறேன், இனிமேல் பேச்சு இல்லை, வீச்சு தான் என்று கூறினார்.
மேலும் ’கோட்’ படம் நன்றாக எடுக்கப்பட்டு வருகிறது, நானும் ஆர்வமாக இருக்கிறேன் என்று தெரிவித்தார். இதனை அடுத்து ’கோட்’ படத்திற்கு அவர் அட்டகாசமான பாடல்களை கம்போஸ் செய்திருப்பார் என்பது உறுதி செய்யப்பட்டுள்ளது.
விஜய், பிரபுதேவா, பிரசாந்த், மோகன், சினேகா, லைலா, மீனாட்சி சவுத்ரி, பிரேம்ஜி, கனிகா உள்பட பலர் இந்த படத்தில் நடித்து வருகின்றனர்.