பிரமாண்ட இயக்குனர் ஷங்கர் இயக்கிய 'எந்திரன்' படத்தின் இரண்டாம் பாகமான '2.0' சமீபத்தில் வெளியாகி சூப்பர்ஹிட் ஆகிய நிலையில் அவர் தற்போது 'இந்தியன் 2' படத்தின் படப்பிடிப்பில் விறுவிறுப்பாக உள்ளார்.

இந்த நிலையில் தற்போது ஷங்கர் இயக்கிய இன்னொரு வெற்றிப்படமான 'பாய்ஸ்' படத்தின் இரண்டாம் பாகமும் திட்டமிடப்பட்டுள்ளது. இந்த படத்தின் இரண்டாம் பாகம் குறித்து கடந்த ஆண்டே சித்தார்த், நகுல் ஆகியோர் தங்கள் சமூக வலைத்தளங்களில் குறிப்பிட்டிருந்த நிலையில் தற்போது 'பாய்ஸ்' படத்தில் நடிகராக அறிமுகமாகி தற்போது முன்னணி இசையமைப்பாளர்களில் ஒருவராக இருக்கும் தமன் இதுகுறித்த தகவலை தனது சமூக வலைத்தளத்தில் பதிவு செய்துள்ளார்.

எனவே 'பாய்ஸ் 2' திரைப்படம் மீண்டும் சித்தார்த், நகுல், பரத், நடிப்பில் விரைவில் உருவாகும் என்றும் இந்த படத்திற்கு தமன் இசையமைப்பார் என்றும், இந்த படத்தை அறிமுக இயக்குனர் ஒருவர் இயக்கவிருப்பதாகவும் கூறப்படுகிறது.

#boys2 !! ♥️???? pic.twitter.com/BWHcWTQ9q0

— thaman S (@MusicThaman) January 21, 2019