கடந்த ஆயுத பூஜை தினத்தில் வெளியான 'நானும் ரெளடிதான்' படத்தின் சூப்பர் ஹிட், விஜய்சேதுபதி திரையுலக வாழ்க்கையில் புதிய திருப்பத்தை ஏற்படுத்தியுள்ளது. இந்த ஒரே வெற்றியின் மூலம் அவர் முன்னணி நடிகர்களின் வரிசையில் இணைந்துவிட்டதாக கூறப்படுகிறது.

இந்நிலையில் தேசியவிருது பெற்ற 'காக்கா முட்டை' படத்தை இயக்கிய இயக்குனர் மணிகண்டன் இயக்கும் அடுத்த படத்தில் விஜய்சேதுபதி நடிக்க ஒப்பந்தமாகியுள்ளார் என்பதை ஏற்கனவே பார்த்தோம். இந்த படத்திற்கு இசையமைக்க 'கே' தற்போது ஒப்பந்தமாகியுள்ளார்.

இசையமைப்பாளர் 'கே' ஏற்கனவே மிஷ்கின் இயக்கிய 'முகமூடி', மற்றும் சமீபத்தில் வெளிவந்த 'கிருமி' உள்பட பல படங்களுக்கு இசையமைத்தவர். தேசிய விருது பெற்ற இயக்குனர் மணிகண்டனின் படத்திற்கு இசையமைக்கும் வாய்ப்பு கிடைத்ததற்காக தான் அதிக சந்தோஷம் அடைந்ததாக இசையமைப்பாளர் 'கே' தெரிவித்துள்ளார்.