பிரபல இசையமைப்பாளர் தேவிஸ்ரீ பிரசாத் அவர்களின் தந்தை மாரடைப்பால் இன்று காலை காலமானார். அவருக்கு வயது 61.

விஜய் நடித்த 'புலி' உள்பட ஏராளமான படங்களுக்கு இசையமைத்த பிரபல இசையமைப்பாளர் தேவிஸ்ரீ பிரசாத்தின் தந்தையும், பிரபல தெலுங்கு திரைக்கதை ஆசிரியருமான சத்யமூர்த்தி இன்று காலை மாரடைப்பு காரணமாக சென்னையில் காலமானார். சூப்பர் ஸ்டார் ரஜினிகாந்த் சிறப்பு வேடத்தில் நடித்த 'பெத்தராயுடு' உள்பட சுமார் 80க்கும் மேற்பட்ட தெலுங்கு திரைப்படங்களுக்கு திரைக்கதை எழுதியவர் சத்யமூர்த்தி என்பது குறிப்பிடத்தக்கது.

சத்யமூர்த்தி அவர்களுக்கு தேவிஸ்ரீ பிரசாத், சாகர் என்ற இரண்டு மகன்களும் ஒரு மகளும் உள்ளனர். இன்று மாலை சென்னையில் அவரது இறுதிச்சடங்கு நடைபெறும் என கூறப்படுகிறது. சத்யமூர்த்தி அவர்கள் ஆத்மா சாந்தி அடைய பிரார்த்தனை செய்வதோடு, அவரது குடும்பத்தினர்களுக்கு எங்களுடைய ஆழ்ந்த இரங்கலை தெரிவித்து கொள்கிறோம்.