మహేష్ మూవీకి బడ్జెట్ ఫిక్స్ చేసిన మురుగుదాస్..
- IndiaGlitz, [Tuesday,February 16 2016]
సూప‌ర్ స్టార్ మహేష్ బ్ర‌హ్మోత్స‌వం చిత్రంలో న‌టిస్తున్నారు. ఈ చిత్రం మే నెల‌లో ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ చిత్రం త‌ర్వాత మహేష్...మురుగుదాస్ మూవీలో న‌టించ‌నున్నారు. ఈ చిత్రాన్నిఎన్.వి.ప్ర‌సాద్ నిర్మిస్తున్నారు. తెలుగు, త‌మిళ్ లో ఈ చిత్రాన్ని భారీ బడ్జెట్ తో రూపొందించ‌నున్నారు.
ఇక ఈ సినిమా బడ్జెట్ విష‌యానికి వ‌స్తే...110 కోట్లు బడ్జెట్ అవుతుంద‌ని మురుగుదాస్ నిర్మాత ఎన్.వి.ప్ర‌సాద్ కి చెప్పార‌ట. అయితే ఎన్.వి.ప్ర‌సాద్ బడ్జెట్ కాస్త త‌గ్గిస్తే బాగుంటుంది అన‌డంతో మురుగుదాస్ ఆలోచించి 90 కోట్లు బడ్జెట్ అని ఫిక్స్ చేసార‌ట. బాహుబ‌లి త‌ర్వాత అత్య‌ధిక బడ్జెట్ తో రూపొందుతున్న సినిమా ఇదే కావ‌డం విశేషం. ఈ చిత్రాన్ని త‌మిళ న్యూయ‌ర్ అయిన ఏప్రిల్ 14న చెన్నైలో ఘ‌నంగా ప్రారంభించ‌డానికి ప్లాన్ చేస్తున్నారు. ఈ చిత్రానికి హ‌రీష్ జైరాజ్ సంగీతం అందిస్తున్నారు. ఈ మూవీలో న‌టించే హీరోయిన్ ఎవ‌ర‌నేది త్వ‌ర‌లోనే నిర్ణ‌యించ‌నున్నారు.