హీరోయిన్ సాక్షి శివానంద్ పై హత్యారోపణలు
- IndiaGlitz, [Wednesday,July 24 2019]
ఒక‌ప్పుడు చిరంజీవి, మోహ‌న్‌బాబు, నాగార్జున, మహేశ్‌ వంటి అగ్ర హీరోల స‌ర‌స‌న న‌టించి అగ్ర తారగా పేరు సంపాదించుకున్న హీరోయిన్ సాక్షి శివానంద్. ఈమెపై ఆమె సోద‌రి శిల్పా ఆనంద్ హత్యారోపణలు చేయ‌డం గ‌మ‌నార్హం. సాక్షి శివానంద్‌పై సోద‌రి శిల్పా అలాంటి ఆరోప‌ణ‌లు చేయ‌డం హాట్ టాపిక్‌గా మారింది. సాక్షి శివానంద్ అత్త భావన ఇన్సూరెన్స్ డ‌బ్బులు కోసం క‌ట్టుకున్న భ‌ర్త‌నే చంపేసింద‌ని, ఇప్పుడు సాక్షిశివానంద్‌, ఆమె అత్త భావన క‌లిసి త‌న‌ను చంప‌డానికి ప్లాన్స్ చేస్తున్నార‌ని శిల్ప సోష‌ల్ మీడియాలో పోస్ట్ చేసింది. భావన పోలీసుల భ‌యంతో అమెరికా పారిపోయింద‌ని, ఆమె ఎప్పుడొస్తే అప్పుడు పోలీసులు అరెస్ట్ చేయ‌డానికి సిద్ధంగా ఉన్నార‌ని శిల్పా ఆనంద్ తెలిపారు.