கேரட் பொறியலில் வெங்காயம் போடவில்லை என்ற சின்ன பிரச்சனையால் பிக்பாஸ் வீடே நேற்று ரணகளமானது

சமையல் குழுவில் இருந்த பாலாஜியின் மனைவி நித்யா நேற்று கேரட் பொறியல் செய்தார். அந்த பொறியலுடன் சேர்க்க வெங்காயம் வெட்டி தந்த மகத், அந்த பொறியலில் வெங்காயத்தை போடுமாறு கூறினார். ஆனால் வெங்காயம் போட்டால் பொறியல் கெட்டுவிடும் என்று கூறி வெங்காயத்தை போட நித்யா மறுத்துவிட்டார்.

பாலாஜி, மும்தாஜ், மகத், யாஷிகா, ஐஸ்வர்யா உள்பட பலர் வெங்காயம் போட சொல்லி வற்புறுத்திய போதிலும் பிடிவாதமாக வெங்காயத்தை போட முடியாது என்று நித்யா கூறிவிட்டதால் பிரச்சனை வெடித்தது. நேற்றைய ஒன்றரை மணி நேர நிகழ்ச்சியில் வெங்காயம் பஞ்சாயத்து மட்டும் சுமார் அரை மணி நேரம் நடந்ததால் பார்வையாளர்கள் வெறுப்படைந்தனர்.

கமல்ஹாசன் இந்த நிகழ்ச்சியை விளம்பரப்படுத்தியது போல் இந்த வீட்டில் உள்ளவர்களில் நல்லவர் யார்? கெட்டவர் யார்? என்று கண்டுபிடிப்பதில் சிரமம் உள்ளது என்பது நேற்றைய வெங்காய சண்டையில் இருந்து தெரிய வந்துள்ளது. மும்தாஜ் சில சமயம் வில்லி போலவும் சிலசமயம் மெச்சூரிட்டி கொண்டவர் போலவும் நடந்து கொள்வதால் பார்வையாளர்களுக்கு குழப்பம் ஏற்பட்டுள்ளது. போக போகத்தான் மும்தாஜ் இன்னொரு காயத்ரியா? என்பது தெரியவரும்.

இன்றைய #பிக்பாஸ் இன் இரண்டாவது ப்ரோமோ! #BiggBossTamil #VivoBiggBoss @Vivo_India pic.twitter.com/la9QxeR5zj

— Vijay Television (@vijaytelevision) June 20, 2018