பிக்பாஸ் முதல் பாகம் போல் இரண்டாம் பாகத்தையும் சுவாரஸ்யமாக கொண்டு செல்ல பிக்பாஸ் ஸ்க்ரிப்ட் ரைட்டர்கள் பல்வேறு முயற்சி செய்தும் 37 நாட்களாக எந்தவித பலன் கிடைக்கவில்லை. எனவே தற்போது இந்த திரைக்கதையில் பிக்பாஸ் திடீர் டுவிஸ்ட் வைத்துள்ளனர். அம்மா-மகன் போல் ஒற்றுமையாக இருக்கும் மும்தாஜ்-ஷாரிக் இடையே இன்று மோதல் ஏற்படுவதுதான் டுவிஸ்ட்

பிக்பாஸ் போட்டியாளர்களில் ஷாரிக்கிடம் மட்டுமே மும்தாஜ் அதீத அன்பு வைத்திருந்தார் என்பது தெரிந்ததே. அவரை தன்னுடைய குடும்பத்தின் ஒருவராக பார்ப்பதாக பலமுறை கூறியிருந்தார். இந்த நிலையில் நேற்றைய மொக்கை டாஸ்க்கில் நடுவராக அதைவிட மொக்கையாக செயல்பட்ட ஷாரிக், மும்தாஜ் அணிக்கு பாதகமாக இரண்டு தீர்ப்புகளை சொன்னார். இதனால் கடுப்பான மும்தாஜ், இன்று ஷாரிக்குடன் மோதுவது போன்று திரைக்கதை அமைக்கப்பட்டுள்ளது.

மும்தாஜ் வாயில் பிளாஸ்திரி ஒட்டுவேன் என்று ஷாரிக் கூற, அதற்கு மும்தாஜ் எச்சரிப்பது போன்று சற்றுமுன் வெளியான புரமோ வீடியோவில் உள்ளது. ஆனால் புரமோவில் இருக்கும் சுவாரஸ்யம், நிகழ்ச்சியில் இருக்காது என்பதை பலமுறை பார்வையாளர்கள் ஏமாந்துள்ளதால் இந்த திரைக்கதையை யாரும் நம்ப தயாராக இல்லை என்பது இந்த வீடியோவுக்கு பதிவாகி வரும் கமெண்ட்டுகளில் இருந்து தெரியவருகிறது
 

வேணாம் அழுதுருவேன்! ???? #BiggBossTamil - தினமும் இரவு 9 மணிக்கு உங்கள் விஜயில்.. #VivoBiggBoss @Vivo_India pic.twitter.com/siTIhd2LWs

— Vijay Television (@vijaytelevision) July 25, 2018