பிக்பாஸ் நிகழ்ச்சியை விட அதன் புரமோ வீடியோவை தான் நெட்டிசன்கள் எதிர்பார்த்து காத்திருப்பார்கள் போல் தெரிகிறது. அதற்கு கிடைக்கும் ஆதரவும் பதிவு செய்யப்படும் கமெண்ட்டுகளும் இதனை உறுதி செய்கிறது.

இந்த நிலையில் சற்றுமுன் வெளிவந்த புரமோ வீடியோவில் 'குஷி' படத்தில் இடம்பெற்ற 'கட்டிப்புடி கட்டிப்புடிடா' பாடலுக்கு மும்தாஜூம், செண்ட்ராயனும் டான்ஸ் ஆடுகின்றனர். தான் மும்தாஜூடன் டான்ஸ் ஆடிவிட்டதாக செண்ட்ராயன் பெருமையாகவும் கூறுகிறார்.

ஆனால் திடீரென என்ன நடந்தது என்றே தெரியவில்லை. மும்தாஜ் கதறி கதறி அழ, அவரை அனைவரும் தேற்றுகின்றனர். செண்ட்ராயனை அனைவரும் திட்ட, ஒருவர் மட்டும் வெளியே போ என்று செண்ட்ராயனை விரட்டுகிறார். ஆனால் இந்த புரமோவில் சேர்ந்து வரும் காட்சிகள், நிகழ்ச்சியில் தனித்தனியாக வரும் என்றே எதிர்பார்க்கப்படுகிறது. எத்தனை முறை இதை போல் ஏமாந்திருப்போம். இருப்பினும் 'டார்லிங்' மும்தாஜ் கண்ணீர் அவரது ஆர்மியினர்களை வருத்தமடைய செய்துள்ளது என்பது இந்த புரமோ வீடியோவுக்கு பதிவு செய்யப்பட்டுள்ள கமெண்ட்டுக்களில் இருந்து தெரியவருகிறது.

???? #பிக்பாஸ் - தினமும் இரவு 9 மணிக்கு உங்கள் விஜயில்.. #BiggBossTamil #VivoBiggBoss @Vivo_India pic.twitter.com/fAF3VRGazc

— Vijay Television (@vijaytelevision) June 21, 2018