பாலிவுட் நடிகர் சுஷாந்த் சிங் ராஜ்புத் அவர்கள் சற்று முன் தற்கொலை செய்துகொண்டார் என்ற அதிர்ச்சி செய்தியை ஏற்கனவே பார்த்தோம். மன அழுத்தம் காரணமாக அவர் தற்கொலை செய்து கொண்டதாக முதல்கட்ட தகவல்கள் வெளி வந்தாலும் அவரது தற்கொலைக்கு காரணம் என்ன? என்பது குறித்து போலீசார் விசாரணை செய்து வருகின்றனர்

இந்த நிலையில் மும்பை போலீசார் இதுகுறித்து அதிகாரப்பூர்வமாக வெளியிட்ட அறிக்கை ஒன்றில் நடிகர் சுஷாந்த் சிங் ராஜ்புத் அவர்கள் தற்கொலை செய்து கொண்டார். மும்பை போலீசார் அவரது மரணம் குறித்து தீவிர விசாரணை செய்து வருகின்றனர். இதுவரை எந்தவிதமான கடிதமும் கிடைக்கவில்லை. இருப்பினும் அவரது வீட்டில் சோதனை செய்யப்பட்டு வருகிறது என்று அந்த அறிக்கையில் குறிப்பிடப்பட்டுள்ளது

சுஷாந்த் சிங் ராஜ்புத் தற்கொலை செய்வதற்கு முன்பு கடிதம் எதுவும் எழுதி வைக்கவில்லை என்பது இந்த அறிக்கையின் மூலம் தெரிகிறது. இருப்பினும் அவரது மொபைல் போன் மற்றும் லேப்டாப்பில் ஏதேனும் ஆதாரங்கள் இருக்குமா? என்பது குறித்து போலீசார் தீவிர விசாரணை செய்து வருகின்றனர்