మెగా ప‌వ‌ర్ స్టార్ రామ్ చ‌ర‌ణ్ త‌ని ఓరువ‌న్ రీమేక్ లో న‌టించనున్న విష‌యం తెలిసిందే. అయితే నాన్న‌కు ప్రేమ‌తో...సినిమాలోని కొన్ని సీన్స్ త‌ని ఓరువ‌న్ రీమేక్ లోని సీన్స్ కి ద‌గ్గ‌ర‌గా ఉన్నాయ‌ని...అందుచేత రామ్ చ‌ర‌ణ్ త‌ని ఓరువ‌న్ రీమేక్ చేయాలా వ‌ద్దా అనే ఆలోచ‌న‌లో పడ్డార‌ని ప్ర‌చారం జ‌రిగింది.

కానీ తాజా స‌మాచారం ప్ర‌కారం...చ‌ర‌ణ్ ఈ మూవీకి ముహుర్తం ఫిక్స్ చేసాడు. ఫిబ్ర‌వ‌రి 16 నుంచి రెగ్యుల‌ర్ షూటింగ్ ప్రారంభించ‌నున్నారు. ఈ సినిమాలో నెగిటివ్ రోల్ పోషిస్తున్న అర‌వింద్ స్వామి ఫిబ్ర‌వ‌రి 16 నుంచే షూటింగ్ లో పాల్గొంటున్న‌ట్టు స‌మాచారం. ఈ చిత్రాన్ని సురేంద‌ర్ రెడ్డి తెర‌కెక్కించ‌నున్నారు. గీతా ఆర్ట్స్ బ్యాన‌ర్ పై అల్లు అర‌వింద్, ఎన్.వి.ప్ర‌సాద్ సంయుక్తంగా నిర్మిస్తున్నారు. ఈ సినిమాలో రామ్ చ‌ర‌ణ్ పోలీస్ రోల్ లో క‌నిపించ‌నున్నారు.