పవన్ నెక్ట్స్ సినిమాకు ముహూర్తం కుదిరింది...!
- IndiaGlitz, [Saturday,December 19 2020]
రీ ఎంట్రీ త‌ర్వాత ప‌వ‌ర్‌స్టార్ ప‌వ‌న్‌క‌ల్యాణ్ ఐదు సినిమాల‌కు ఓకే చెప్పారు. అందులో వ‌కీల్‌సాబ్ సెట్స్‌లో ఉంది. ఈ సినిమా ఎన‌బై శాతం షూటింగ్ పూర్త‌యిన త‌ర్వాత పవన్, క్రిష్ కాంబినేష‌న్‌లో సినిమా ప్రారంభ‌మైంది. అయితే ఆలోపు కోవిడ్ ప్రభావం ప్రారంభం కావ‌డంతో ఆ సినిమా ఓ వారం పాటు చిత్రీక‌ర‌ణ‌ను జ‌రుపుకుని ఆగింది. త‌ర్వాత ప‌రిస్థితులు చాలానే ఛేంజ్ అయ్యాయి. లాక్‌డౌన్ త‌ర్వాత వ‌కీల్‌సాబ్‌తో పవన్ షూటింగ్‌ను పునః ప్రారంభించినా, దీని త‌ర్వాత క్రిష్ సినిమాను సెట్స్ పైకి తీసుకెళ్లే పరిస్థితి క‌నిపించ‌డం లేదు.
ఇండ‌స్ట్రీ వ‌ర్గాల్లో వినిపిస్తోన్న స‌మాచారం మేర‌కు పవన్ త‌దుప‌రి సినిమాగా అయ్య‌ప్ప‌నుమ్ కోశియుమ్ రీమేక్‌ను స్టార్ట్ చేయ‌బోతున్నాడ‌ట. సోమ‌వారం సినిమా లాంఛనంగా ప్రారంభ‌మ‌వుతుంది. జ‌న‌వ‌రి మొద‌టి వారంలో రెగ్యుల‌ర్ షూటింగ్ స్టార్ట్ అవుతుంద‌ని అంటున్నారు. సితార ఎంట‌ర్‌టైన్‌మెంట్స్ బ్యాన‌ర్‌పై రూపొంద‌నున్న ఈ చిత్రంలో రానా కూడా ఓ కీల‌క పాత్ర‌లో క‌నిపించ‌నున్నారు. సాగ‌ర్ కె.చంద్ర ద‌ర్శ‌క‌త్వం వ‌హిస్తున్నారు. త్రివిక్ర‌మ్ ఈ చిత్రానికి అంతా తానై ముందుక న‌డిపిస్తున్నాడ‌ని టాక్ వినిపిస్తోంది. త్రివిక్ర‌మ్ కోస‌మే పవన్ ఈ సినిమాను ఆర్డ‌ర్‌లో ముందుకు తెచ్చాడంటున్నారు.