నితిన్ కు ముహుర్తం కుదిరింది....
- IndiaGlitz, [Friday,November 18 2016]
యూత్‌స్టార్‌ నితిన్ హీరో వెంకట్‌ బోయనపల్లి సమర్పణలో 14 రీల్స్‌ ఎంటర్‌టైన్‌మెంట్‌ పతాకంపై 'అందాల రాక్షసి', 'కృష్ణగాడి వీరప్రేమగాథ' వంటి సూపర్హిట్ చిత్రాల దర్శకుడు హను రాఘవపూడి దర్శకత్వంలో రామ్‌ ఆచంట, గోపీచంద్‌ ఆచంట, అనీల్‌ సుంకర నిర్మాత‌లుగా రూపొందుతోన్న యూత్‌ఫుల్‌ ఎంటర్‌టైనర్ ఇటీవ‌ల ప్రారంభ‌మైన సంగతి తెలిసిందే. ఈ సినిమా ప్ర‌స్తుతం ప్రీ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటుంది. నితిన్ స‌ర‌స‌న మేఘ ఆకాష్ హీరోయిన్‌గా నటిస్తున్న ఈ చిత్రం డిసెంబర్ 17 నుండి రెగ్యుల‌ర్ చిత్రీక‌ర‌ణ‌ను జ‌రుపుకోనుంది. ఈ సినిమాను ఎక్కువ భాగం అమెరికాలో చిత్రీక‌రించ‌నున్నారు. ఈ చిత్రానికి యువ‌రాజ్ సినిమాటోగ్ర‌ఫీ అందిస్తుండా, విశాల్ చంద్ర‌శేఖ‌ర్ సంగీతం అందిస్తున్నాడు. అఆ వంటి బ్లాక్ బ‌స్ట‌ర్ త‌ర్వాత నితిన్ నటిస్తున్న సినిమా కావ‌డంతో సినిమాపై భారీ అంచ‌నాలే నెల‌కొన్నాయి.