యువ హీరో చేతుల మీదుగా ఎం.ఎస్ థోనీ ట్రైలర్ రిలీజ్..!
- IndiaGlitz, [Wednesday,August 17 2016]
సుశాంత్ సింగ్ రాజ్ పుట్ ప్ర‌ధాన పాత్ర‌లో నీర‌జ్ పాండే తెర‌కెక్కించిన బాలీవుడ్ మూవీ ఎం.ఎస్.ధోనీ ది అన్ టోల్డ్ స్టోరీ. ఈ చిత్రాన్ని ఫాక్స్ స్టార్ స్టూడియో బ్యాన‌ర్ పై అరుణ్ పాండే నిర్మించారు. ఈ చిత్రంలో సుశాంత్ సింగ్ మహేంద్రసింగ్ ధోనీగా న‌టించ‌గా, హెర్రీ టాన్గ్రి యువ‌రాజ్ గా, కైరా అడ్వానీ ధోనీ భార్య గా న‌టించారు.
ఇటీవ‌ల ముంబైలో టీమిండియా కెప్టెన్ మహేంద్రసింగ్ ధోనీ ఈ మూవీ ట్రైలర్ ను రిలీజ్ చేసారు. ఇక ఎం.ఎస్ థోనీ ది అన్ టోల్డ్ స్టోరీ తెలుగు వెర్ష‌న్ ట్రైలర్ ను నేచుర‌ల్ స్టార్ నాని ఈరోజు రాత్రి 7 గంట‌ల‌కు రిలీజ్ చేయ‌నున్నారు. ఈ చిత్రానికి అమాల్ మాలిక్, సంజ‌య్ చౌద‌రి సంగీతం అందించారు. టీమిండియా కెప్టెన్ మహేంద్రసింగ్ ధోనీ జీవిత చ‌రిత్ర ఆధారంగా రూపొందిన ఈ చిత్రాన్ని సెప్టెంబ‌ర్ 30న రిలీజ్ చేయ‌నున్నారు.