11வது ஐபிஎல் தொடரில் ஒவ்வொரு அணியும் தங்கள் அணியில் தக்க வைக்க உள்ள வீரர்கள் பெயரை இன்று மாலை அறிவிக்கவுள்ளதாக கூறப்பட்ட நிலையில் மீண்டும் இந்த ஆண்டு களமிறங்கும் சென்னை சூப்பர் கிங்ஸ் அணியில் தல தோனி இடம்பெறுவது உறுதி செய்யப்பட்டுள்ளது

சற்றுமுன்னர் வெளிவந்த செய்தியின்படி சென்னை சூப்பர் கிங்ஸ் அணிய்ல் தோனி, சுரேஷ் ரெய்னா, ஜடேஜா ஆகியோர்கள் இடம்பெறுவது உறுதி செய்யப்பட்டுள்ளது. தோனிக்கு ரூ.15 கோடியும், ரெய்னாவுக்கு ரூ.11 கோடியும், ஜடேஜாவுக்கு ரூ.7 கோடியும் சம்பளம் நிர்ணயம் செய்யப்பட்டுள்ளது

இதேபோல் பெங்களூர் அணிக்கு விராத் கோஹ்லியும், மும்பை அணிக்கு ரோஹித் சர்மா, ஹர்திக் பாண்ட்யா ஆகியோர்களும், டெல்லி அணியில் எஸ்.எஸ்.ஐயரும், ஐதராபாத் அணியில் வார்னரும் உறுதி செய்யப்பட்டுள்ளனர்.

மேலும் ஐபிஎல் வீரர்கள் ஏலம் வரும் இம்மாதம் 27 மற்றும் 28-ம் தேதிகளில் பெங்களூருவில் நடைபெறுகிறது. இம்முறை ஒவ்வொரு அணியும் வீரர்கள் ஏலத்துக்காக செலவிடும் ஒட்டுமொத்த தொகை ரூ.66 கோடியில் இருந்து ரூ.80 கோடியாக அதிகரிக்கப்பட்டுள்ளது என்பது குறிப்பிடத்தக்கது.