தென்னாப்பிரிக்க அணியின் நட்சத்திர விளையாட்டு வீரர் டூ பிளசி. இவர் ஒருகாலத்தில் அந்த அணியின் மிகச்சிறந்த கேப்டன் என்றும் புகழப்பட்டவர். தற்போது சிஎஸ்கே அணியின் ஓப்பனிங் பேட்ஸ்மேனாக விளையாடி வருகிறார்.

தற்போது ஐபிஎல் போட்டிகள் மீண்டும் துவங்கவுள்ள நிலையில் சிஎஸ்கே கேப்டன் மகேந்திரசிங் தோனி குறித்துப்பேசிய டூ பிளசி, சிறந்த கேப்டன்கள் வரிசையில் முதலிடம் தோனிக்குத்தான். அவருடைய தலைமையில் சிஎஸ்கே வீரர்கள் அனைவரும் சிறப்பாக விளையாடி வருகிறார்கள். அதோடு ஒரே அணியில் 4 இண்டர்நேஷனல் கேப்டன்களும் விளையாடி உள்ளனர்.

மேலும் சிஎஸ்கே அணியின் தேர்வும் சிறப்பாக இருக்கும். அதுவே வெற்றிக்கு முக்கிய காரணம் மற்றும் பலமாகவும் அமைந்துள்ளது. அதனால் என்னைப் பொறுத்தவரை சிறந்த கேப்டன் வரிசையில் தோனி முதலிடம் வகித்து வருகிறார். கடந்த 10 வருடங்களாக அவருடன் விளையாடி வருகிறேன். அவரிடம் இருந்து நிறைய விஷயங்களை கற்றுக் கொண்டுள்ளேன் எனத் தெரிவித்து உள்ளார்.

ஃபா டூ பிளசி (faf du Plessis) தற்போது கரீபியன் பிரீமியர் லீக்கில் லூசியா கிங்ஸ் அணியுடன் இணைந்து விளையாடி வருகிறார். அந்த அணியின் கேப்டனாகவும் இருந்து வருகிறார். வரும் செப்டம்பர் 15 ஆம் தேதிவரை நடைபெற உள்ள இந்தப்போட்டிகள் முடிந்தவுடன் ஐபிஎல் போட்டிகளுக்காக சிஎஸ்கே அணியுடன் இணைந்து விளையாடுவார். கொரோனா காரணமாக ஒத்திவைக்கப்பட்ட ஐபிஎல் போட்டிகள் வரும் செப்டம்பர் 19 ஆம் தேதி முதல் ஐக்கிய அரபு எமிரேட்ஸில் நடைபெற இருக்கிறது.