'தல' தோனியை தேடி வந்த சி.இ.ஓ பதவி
- IndiaGlitz, [Monday,April 03 2017]
இந்திய கிரிக்கெட் அணியின் கேப்டன் பதவியில் இருந்து சமீபத்தில் விலகிய தோனிக்கு பிரபல நிறுவனமான கல்ஃப் ஆயில் இந்தியா நிறுவனத்தின் சி.இ.ஓ. பதவி தேடி வந்துள்ளது.
கடந்த 1983ஆம் ஆண்டுக்கு பின்னர் இந்தியாவுக்கு உலகக்கோப்பையை பெற்று தந்து சரித்திர சாதனை படைத்தவர் தோனி. இந்திய அணியின் மிகச்சிறந்த கேப்டன் என்று புகழப்படும் தோனி, கேப்டன் பதவியில் விலகினாலும், அவருக்குரிய மரியாதையும் மதிப்பும் சிறிதும் குறையவில்லை.
இந்த நிலையில் உலகக்கோப்பையை வென்று ஆறு வருடங்கள் பூர்த்தியாகியுள்ள நிலையில் தோனிக்கு சி.இ.ஓ பதவியை வழங்கி கெளரவிப்பதாக கல்ஃப் ஆயில் இந்தியா நிறுவனத்தின் சார்பில் கூறப்பட்டுள்ளது. ஒரு மிகப்பெரிய நிறுவனத்தின் சி.இ.ஓ பதவியே தேடி வந்த தோனிக்கு ரசிகர்கள் சமூக வலைத்தளங்களில் வாழ்த்துக்களை தெரிவித்து வருகின்றனர்.