எம்.எஸ்.பாஸ்கருக்கு சர்ப்ரைஸ் புத்தாண்டு பரிசு கொடுத்த மகள்: ஒரு நெகிழ்ச்சியான வீடியோ
- IndiaGlitz, [Tuesday,January 02 2018]
தமிழ் திரையுலகில் டப்பிங் கலைஞராக அறிமுகமாகி பின்னர் காமெடி மற்றும் குணசித்திர கேரக்டர்களில் நடித்து வருபவர் எம்.எஸ்.பாஸ்கர். இவருடைய மகள் ஐஸ்வர்யாவும் தற்போது டப்பிங் கலைஞராக உள்ளார்.
இந்த நிலையில் நேற்று ஆங்கில புத்தாண்டு தினத்தை அடுத்து தந்தைக்கு சர்ப்ரைஸ் பரிசு ஒன்றை அவருடைய மகள் அளித்துள்ளார். தந்தையின் நீண்ட நாள் கனவான புல்லட்டை அவரது மகள் வாங்கி சர்ப்பரைஸாக கொடுத்துள்ளார். மகள் வாங்கி கொடுத்த இந்த பரிசை பார்த்த எம்.எஸ்.பாஸ்கர், மகளை பாசத்துடன் கட்டியணைத்து ஆனந்தக்கண்ணீர் விட்ட வீடியோ காட்சியை அவரது மகள் தனது சமூக வலைத்தளத்தில் பதிவு செய்துளார்.
தந்தையும் மகளும் மாறி மாறி ஆனந்தக்கண்ணீர் விடும் இந்த வீடியோ தற்போது இணையதளங்களில் வைரலாகி வருகிறது. சமூக வலைத்தள பயனாளிகள் எம்.எஸ்.பாஸ்கரின் இனிய குடும்பத்தினர்களுக்கு வாழ்த்துக்களை கூறி வருகின்றனர்.