சிவகார்த்திகேயன், நயன்தாரா படத்திற்கு தரலோக்கல் டைட்டில்?
- IndiaGlitz, [Tuesday,January 29 2019]
சிவகார்த்திகேயன், நயன்தாரா நடிப்பில் ராஜேஷ் எம் இயக்கிய 'எஸ்கே 13' படத்தின் படப்பிடிப்பு சமீபத்தில் முடிவடைந்த நிலையில் இந்த படத்தின் போஸ்ட் புரடொக்சன்ஸ் பணிகள் தற்போது தொடங்கியுள்ளது. இந்த படத்தின் ஃபர்ஸ்ட்லுக், டீசர் வெளியீடு குறித்த அறிவிப்பு மிக விரைவில் வெளியாகும் என்று எதிர்பார்க்கப்படுகிறது.
இந்த நிலையில் இந்த படத்தின் டைட்டில் குறித்த தகவல் வெளிவந்துள்ளது. இந்த படத்திற்கு 'ஜித்து ஜில்லாடி' என்ற டைட்டில் வைக்கப்படவுள்ளதாக ஏற்கனவே செய்திகள் கசிந்த நிலையில் தற்போது இந்த படத்திற்கு 'மிஸ்டர் லோக்கல்' என்ற தர லோக்கல் டைட்டில் வைக்க வாய்ப்பு இருப்பதாக கூறப்படுகிறது. இந்த படத்தின் டைட்டில் குறித்த அறிவிப்பு வரும் பிப்ரவரி முதல் வாரத்தில் அறிவிக்கப்படவுள்ளது.
சிவகார்த்திகேயன், நயன்தாரா, ராதிகா உள்பட பலர் நடித்து வரும் இந்த படத்தை ஸ்டுடியோக்ரீன் நிறுவனம் தயாரித்து வருகிறது. ஹிப்ஹாப் தமிழா ஆதி இந்த படத்திற்கு இசையமைத்து வருகிறார்.