முதல்முறையாக நவரச நாயகன் கார்த்திக் மற்றும் அவரது மகன் கவுதம் கார்த்திக் இணைந்து நடித்துள்ள Mr. சந்திரமெளலி கடந்த மூன்று மாதங்களுக்கு முன்னரே ரிலீசுக்கு தயாராகிவிட்டது. ஆனால் கோலிவுட் திரையுலகின் வேலைநிறுத்தம் காரணமாக ஏற்கனவே அறிவிக்கப்பட்ட ஒருசில ரிலீஸ் தேதிகள் ரத்து செய்யப்பட்டன.

இந்த நிலையில் தற்போது இந்த படத்தின் புதிய ரிலீஸ் தேதி அறிவிக்கப்பட்டுள்ளது. இந்த படம் வரும் ஜூலை மாதம் 6ஆம் தேதி ரிலீஸ் செய்யவுள்ளதாக அறிவிக்கப்பட்டுள்ளது. இதனை உறுதி செய்யும் வகையில் ரிலீஸ் தேதியுடன் கூடிய புதிய போஸ்டர் ஒன்றும் சற்றுமுன் சமூக வலைத்தளங்களில் வெளியாகியுள்ளது.

இயக்குனர் திரு இயக்கத்தில் உருவாகியுள்ள இந்த படத்தில் கார்த்திக், கெளதம் கார்த்திக், ரெஜினா, வரலட்சுமி சரத்குமார், சந்தோஷ் பிரதாப், சதீஷ், மகேந்திரன், அகத்தியன், உள்பட பலர் நடித்துள்ளனர். விக்ரம் வேதா' புகழ் சாம் சி.எஸ் இசையமைத்துள்ள இந்த படத்தை தனஞ்செயன் தயாரித்துள்ளார்.