ரயிலில் அடிபட்டவரை 2 கிமீ தூக்கி சென்று காப்பாற்றிய கான்ஸ்டபிள்
- IndiaGlitz, [Sunday,February 24 2019]
மத்திய பிரதேச மாநிலத்தில் ரயிலில் இருந்து கீழே விழுந்து அடிபட்டு கிடந்த பயணி ஒருவரை போலீஸ் கான்ஸ்டபிள் ஒருவர் 2கிமீ தூரம் தோளில் சுமந்து சென்று உயிரை காப்பாற்றியுள்ள சம்பவம் குறித்த வீடியோ இணையத்தில் வைரலாகி வருகிறது
மத்திய பிரதேச மாநிலத்தில் நேற்றிரவு ரயிலில் பயணம் கொண்டிருந்த அஜித் என்ற பயணி திடீரென தவறி கீழே விழுந்தார். இந்த விபத்து குறித்து மற்ற ரயில் பயணிகள் ரயில்வே போலீசாருக்கு தகவல் அளித்தனர். இதுகுறித்த தகவல் அறிந்தவுடன் ரயில்வே போலீசார் சம்பவ இடத்திற்கு விரைந்தனர். ரயிலில் இருந்து கீழே விழுந்ததால் படுகாயம் அடைந்து உயிருக்கு போராடிய அஜித்தை சற்றும் யோசிக்காமல் போலீஸ் கான்ஸ்டபிள் அவரை தோளில் தூக்கி சென்று இரண்டு கிமீ தூரத்தில் உள்ள மருத்துவமனையில் சேர்த்தார். இதனை அந்த பகுதியை சேர்ந்த ஒருவர் வீடியோ எடுத்து இணையத்தில் பதிவு செய்துள்ளார்.
இந்த வீடியோ தற்போது சமூக வலைத்தளத்தில் வைரலாகியுள்ளது. ஆபத்தான நிலையில் ரத்த வெள்ளத்தில் இருந்த பயணியை மீட்டு மருத்துவமனையில் அனுமதித்து அவரது உயிரை காப்பாற்றிய போலீஸ் காஸ்டபிளுக்கு வாழ்த்துக்களும் பாராட்டுக்களும் குவிந்து வருகிறது.