ஆகஸ்ட் 19ஆம் தேதி சென்னையில் படப்பிடிப்புகள் ரத்து
- IndiaGlitz, [Friday,August 17 2018]
இம்மாதம் 19ஆம் தேதி ஞாயிறு அன்று சென்னையில் நடைபெறும் படப்பிடிப்புகள் அனைத்தும் ரத்து செய்யப்படுவதாக தமிழ் திரைப்பட தயாரிப்பாளர் சங்கம் அறிவித்துள்ளது.
இதுகுறித்து வெளியிட்ட அறிக்கையில் கூறியிருப்பதாவது: தென்னிந்திய நடிகர் சங்கத்தின் 65வது ஆண்டு பொதுகுழு கூட்டம் 2018, ஆகஸ்ட் மாதம் 19ஆம் தேதி ஞாயிறு அன்று சென்னையில் நடைபெறுகிறது. இதை முன்னிட்டு நடிகர் சங்கத்தின் வேண்டுகோளை ஏற்று தமிழ் திரைப்பட தயாரிப்பாளர் சங்கமும் தென்னிந்திய திரைப்பட தொழிலாளர் சம்மேளனமும் அன்றைய தினம் நடிகர், நடிகைகள் பொதுக்குழு கூட்டத்தில் பங்கேற்க வசதியாக சென்னை நகரில் மட்டும் படப்பிடிப்புகள் ரத்து செய்து விடுமுறை அளித்துள்ளது
இவ்வாறு தமிழ் திரைப்பட தயாரிப்பாளர் சங்கத்தின் அறிக்கையில் குறிப்பிடப்பட்டுள்ளது.