ప్ర‌స్తుతం ఇండియ‌న్ సినిమాల్లో బ‌యోపిక్స్ ట్రెండ్ న‌డుస్తుంది. క్రీడా, సినీ, రాజకీయ ప్ర‌ముఖుల జీవిత చరిత్ర‌లు సినిమాల రూపంలో రూపొందుతున్నాయి. ప్ర‌స్తుతం టాలీవుడ్ నిర్మాత‌లు అభిషేక్‌పిక్చ‌ర్స్‌, అనీల్ సుంక‌ర క‌లిసి అటామిక్ సైంటిస్ట్‌, దివంగ‌త మాజీ రాష్ట్ర‌ప‌తి అబ్దుల్ క‌లామ్ జీవితాన్ని సినిమాగా తెరకెక్కించాల‌నుకుంటున్నారు.

ఎప్ప‌టి నుండో ఈ బ‌యోపిక్ రూపక‌ల్ప‌న ఆలోచ‌న‌లు ఉన్న‌ప్ప‌టికీ.. అబ్దుల్ క‌లామ్ పాత్ర‌లో న‌టించే న‌టుడి కోసం వారు నిర్మాత‌లు తెగ ప్ర‌య‌త్నం చేశారు. తాజాగా నిర్మాత‌లు బాలీవుడ్ న‌టుడు అనిల్ క‌పూర్‌ను సంప్ర‌దించార‌ట‌. రాజ్ చెంగ‌ప్ప స్క్రిప్ట్ విన్న అనిల్ క‌పూర్ సినిమా చేయ‌డానికి ఆస‌క్తిని ప్ర‌ద‌ర్శించార‌ట‌. త్వ‌ర‌లోనే లుక్ టెస్ట్ చేయ‌బోతున్నార‌ట‌.

అంతా ఓకే అయితే.. 1980లో బాపు ద‌ర్శ‌క‌త్వంలో తెర‌కెక్కిన వంశ వృక్షంలో న‌టించిన అనిల్ క‌పూర్‌.. 38 ఏళ్ల త‌ర్వాత తెలుగులో చేయ‌బోయే సినిమా ఇదే అవుతుంది.