'தெறி'யுடன் கனெக்ஷன் ஆன 'விஜய் 60'
- IndiaGlitz, [Sunday,July 31 2016]
இளையதளபதி விஜய் நடித்த 'தெறி' திரைப்படம் கடந்த தமிழ்ப்புத்தாண்டு தினத்தில் வெளியாகி மாபெரும் வெற்றி பெற்று வசூலில் புதிய சாதனை செய்தது என்பதை ஏற்கனவே பார்த்தோம்.
இந்நிலையில் இந்த படத்தில் விஜய்யுடன் போலீஸ் மற்றும் டிரைவர் வேடத்தில் நடித்த மொட்டை ராஜேந்திரன் தற்போது 'விஜய் 60' படத்திலும் நடித்து வருகிறார் என்பது தெரிந்ததே.
தற்போது 'விஜய் 60' படத்தில் மொட்டை ராஜெந்திரன் டிராபிக் போலீஸ் கேரக்டரில் நடித்து வருவது உறுதி செய்யப்பட்டுள்ளது. 'தெறி' விஜய்யுடன் போலீஸ் கேரக்டரில் நடித்த மொட்டை ராஜேந்திரன் இந்த படத்தில் டிராபிக் போலீஸ் கேரக்டரில் நடித்து வருகிறார் என்பதை உறுதி செய்யும் வகையில் இணையதளங்களில் அவர் டிராபிக் போலீஸ் யூனிபார்பில் இருக்கும் ஸ்டில் வெளியாகியுள்ளது.
விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி, சுதன்ஷி பாண்டே, உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்து வருகிறார். விஜயா புரடொக்ஷன்ஸ் நிறுவனம் பிரமாண்டமாக தயாரிக்கும் இந்த படத்தை 'அழகிய தமிழ்மகன்' பரதன் இயக்கி வருகிறார்.