மொட்ட சிவா கெட்டசிவா பர்ஸ்ட்லுக் ரிலீஸ் தேதி
- IndiaGlitz, [Saturday,March 05 2016]
கடந்த ஆண்டு 'காஞ்சனா 2' என்ற மெகா ஹிட் படத்தை கொடுத்த ராகவா லாரன்ஸ் தற்போது 'பைரவா', மொட்டசிவா கெட்டசிவா மற்றும் 'முனி 3 நாகா' ஆகிய படங்களில் நடித்து வருகிறார். இவற்றில் சூப்பர் குட் பிலிம்ஸ் நிறுவனம் தயாரித்து வரும் 'மொட்டசிவா கெட்டசிவா' படத்தின் படப்பிடிப்பு விறுவிறுப்பாக நடைபெற்று வருகிறது.
ராகவா லாரன்ஸ் ஜோடியாக 'டார்லிங்' நாயகி நிக்கி கல்ராணி நடித்துவரும் இந்த படத்தில் சத்யராஜ், சதீஷ், கோவை சரளா, மனோபாலா, கோவை சரளா, ஜெயப்பிரகாஷ் மற்றும் பலர் நடித்து வருகின்றனர். தெலுங்கில் சூப்பர் ஹிட் ஆகிய பட்டாஸ்' என்ற படத்தின் ரீமேக் படமான இந்த படத்தை சாய்ரமணி இயக்கி வருகிறார்.
இந்நிலையில் இந்த படத்தின் ஃபர்ஸ்ட்லுக் ரிலீஸ் தேதி குறித்த அறிவிப்பு சற்றுமுன்னர் வெளிவந்துள்ளது. மார்ச் 7ஆம் தேதி இந்த படத்தின் ஃபர்ஸ்ட்லுக் வெளிவரும் என்றும் இம்மாத இறுதியில் இந்த படத்தின் இசைவெளியீட்டு விழா நடைபெறும் என்றும் கூறப்படுகிறது. இந்த படத்தின் ரிலீஸ் தேதியும் மிக விரைவில் அதிகாரபூர்வமாக அறிவிக்கப்படும் என்றும் படக்குழுவினர்களிடம் இருந்து தகவல்கள் வெளிவந்துள்ளது.