ராகவா லாரன்ஸ் நடித்துள்ள ஹாரர் காமெடி படமான 'சிவலிங்கா' படத்தின் ரிலீஸ் தேதி மிக விரைவில் அறிவிக்கப்பட இருந்த நிலையில், இந்த படத்திற்கு முன்பே அவர் நடித்த இன்னொரு படமான 'மொட்டசிவா கெட்டசிவா' ரிலீஸ் ஆகவுள்ளதாக செய்திகள் வெளிவந்துள்ளது.

வேந்தர் மூவீஸ் மதன் தயாரிப்பில் உருவான 'மொட்டசிவா கெட்டசிவா' திரைப்படம் ரிலீசுக்கு பல மாதங்களுக்கு முன்பே தயாராக இருந்தாலும், வேந்தர் மூவீஸ் மதன் தலைமறைவு பின்னர் கைது காரணமாக இந்த படத்தின் ரிலீஸ் தள்ளி வைக்கப்பட்டது. இந்நிலையில் தற்போது இந்த படம் வேந்தர் மூவீஸ் இடமிருந்து சிவபாலன் பிக்சர்ஸ் நிறுவனத்திற்கு கைமாறியுள்ளதாக தகவல்கள் வெளிவந்துள்ளது. இதன் காரணமாக இந்த படம் தற்போது ரிலீஸ் செய்ய எந்தவித பிரச்சனையும் இல்லை

'மொட்டசிவா கெட்டசிவா' ரிலீசுக்கு தயாராகிவிட்டதால் 'சிவலிங்கா' தயாரிப்பு நிறுவனத்திடம் அந்த படத்தின் ரிலீஸ் தேதியை தள்ளிவைக்குமாறு ராகவா லாரன்ஸ் கேட்டுக்கொண்டதாகவும், அதற்கு தயாரிப்பு நிறுவனமும் ஒப்புக்கொண்டதால் வரும் பிப்ரவரி 17ஆம் தேதி 'மொட்டசிவா கெட்டசிவா' ரிலீஸ் ஆகவிருப்பதாகவும் நம்பத்தகுந்த வட்டாரங்களில் இருந்து கூறப்படுகிறது.