இளையதளபதி விஜய் நடித்து முடித்துள்ள 'புலி' திரைப்படம் வரும் அக்டோபர் 1ஆம் தேதி பிரமாண்டமாக உலகம் முழுவதும் ரிலீசாகவுள்ள நிலையில் அவருடைய அடுத்த படமான 'விஜய் 59' படத்தின் படப்பிடிப்பு விறுவிறுப்பாக நடைபெற்று வருகிறது.

விஜய் போலீஸ் அதிகாரியாக நடிக்கும் இந்த படத்தில் அவருக்கு டிரைவராக ஒரு காமெடி நடிகரை நடிக்க வைக்க இயக்குனர் அட்லி முடிவு செய்தததாக கூறப்படுகிறது. முதலில் இந்த டிரைவர் வேடத்திற்காக வடிவேலு மற்றும் சத்யன் ஆகியோர்களை பரிசீலனை செய்த அட்லி, பின்னர் இந்த வேடத்தை 'நான் கடவுள்' ராஜேந்திரனுக்கு கொடுத்துள்ளதாக கூறப்படுகிறது. பொதுவாக ஒரு பெரிய அதிகாரியின் டிரைவருக்கு அந்த அதிகாரி குறித்த பல ரகசியங்கள் தெரிந்திருக்கும். அப்படி ஒரு வேடத்தில் விஜய்க்கு டிரைவராக முக்கியத்துவம் உள்ள ஒரு வேடத்தில் ராஜேந்திரன் நடித்து வருவதாக கூறப்படுகிறது.

விஜய்க்கு ஜோடியாக சமந்தா மற்றும் எமிஜாக்சன் நடிக்கும் இந்த படத்தில் கே.எஸ்.ரவிகுமார், ராதிகா சரத்குமார், இயக்குனர் மகேந்திரன் உள்பட பலர் நடித்து வருகின்றனர். ஜி.வி.பிரகாஷ் இசையமைக்கும் இந்த படத்தை கலைப்புலி எஸ்.தாணு தயாரித்து வருகிறார்.