అమ్మ బ‌ర్త్‌డే.. మ‌హేష్‌కు క‌లిసొచ్చింది
- IndiaGlitz, [Saturday,April 21 2018]
బ్ర‌హ్మోత్స‌వం, స్పైడ‌ర్‌.. ఇలా బ్యాక్ టు బ్యాక్ ప‌రాజ‌యాల‌తో నిరాశ‌ప‌డ్డ సూప‌ర్ స్టార్ మహేష్ బాబుకు, ఆయ‌న అభిమానుల‌కు.. మహేష్ తాజా చిత్రం భ‌ర‌త్ అనే నేను కొత్త ఉత్సాహాన్ని ఇచ్చింది. బాధ్య‌తాయుత‌మైన యువ ముఖ్య‌మంత్రి భ‌ర‌త్ రామ్‌గా మహేష్ చేసిన సంద‌డికి స‌ర్వ‌త్రా మంచి స్పంద‌న వ‌చ్చింది. కొర‌టాల శివ దర్శకత్వంలో రూపొందిన ఈ చిత్రం శుక్ర‌వారం విడుద‌లై.. అన్ని చోట్ల మంచి వ‌సూళ్ళు రాబ‌ట్టుకుంటోంది.
ఆస‌క్తిక‌ర‌మైన విష‌య‌మేమిటంటే.. శుక్ర‌వారం (ఏప్రిల్ 20) మహేష్ బాబు త‌ల్లి ఇందిర‌మ్మ పుట్టిన‌రోజు కావ‌డంతో పాటు ఆ తేదిన విడుద‌లైన మహేష్ తొలి చిత్రం కూడా భ‌ర‌త్ అనే నేను కావ‌డం. మొత్తానికి రెండు భారీ ప‌రాజ‌యాల త‌రువాత డీలా ప‌డ్డ మ‌హేష్‌కు.. అమ్మ పుట్టిన రోజున తన కొత్త చిత్రం విడుద‌ల కావ‌డం బాగా క‌లిసొచ్చింద‌నే చెప్పాలి. ఇదిలా ఉంటే.. అతి త్వ‌ర‌లోనే మహేష్ 25వ చిత్రం ప‌ట్టాలెక్క‌నుంది. అమెరికా నేప‌థ్యంలో సాగే ఈ చిత్రానికి వంశీ పైడిప‌ల్లి ద‌ర్శ‌క‌త్వం వ‌హించ‌నున్నారు.