கழுத்தில் கேமிரா, கையில் துப்பாக்கி: 'மூடர் கூடம்' நவீனின் வித்தியாசமான தோற்றம்
- IndiaGlitz, [Saturday,July 14 2018]
ஓவியா, செண்ட்ராயன் நடிப்பில் நவீன் இயக்கிய 'முடர் கூடம்' திரைப்படம் கடந்த 2013ஆம் ஆண்டு வெளியாகி நல்ல வரவேற்பை பெற்றது. இந்த நிலையில் ஐந்து ஆண்டுகள் கழித்து இயக்குனர் நவீனின் புதிய படம் ஒன்றின் அறிவிப்பு சமீபத்தில் வெளிவந்தது. இந்த படத்தின் டைட்டில் 'அலாவுதீனும் அற்புத கேமிராவும்' என்றும் அறிவிக்கப்பட்டது.
இந்த நிலையில் இந்த படத்தின் ஃபர்ஸ்ட்லுக் போஸ்டர் சற்றுமுன் இணையதளங்களில் வெளியாகி பெரும் பரபரப்பை ஏற்படுத்தியுள்ளது. இந்த படத்தை இயக்குவது மட்டுமின்றி முக்கிய வேடத்திலும் நவீன் நடிக்கவுள்ளார். இன்று வெளியான ஃபர்ஸ்ட்லுக் போஸ்டரில் நவீனின் கழுத்தில் பழங்கால கேமிராவும் கையில் துப்பாக்கியும் உள்ளது. இந்த வித்தியாசமான போஸ்டர், நவீனின் மற்றுமொரு வித்தியாசமான படம் என்பதை சொல்லாமல் சொல்கிறது.
நடராஜன் சங்கரன் இசையமைக்கும் இந்த படத்திற்கு பாட்ஷா ஓளிப்பதிவும், கிருபாகரன் புருஷோத்தமன் படத்தொகுப்பும் செய்கிறார். யுகபாரதி பாடலில் செந்தில் ராகவன் கலை இயக்கத்தில் உருவாகவுள்ள இந்த படத்தின் படப்பிடிப்பு விரைவில் தொடங்கவுள்ளது.