ஓவியா, நவீன், செண்ட்ராயன் உள்பட பலர் நடிப்பில் நவீன் இயக்கிய திரைப்படம் 'மூடர் கூடம்'. இந்த படம் கடந்த 2013ஆம் ஆண்டு வெளியாகி நல்ல வரவேற்பை பெற்றது. இந்த நிலையில் இயக்குனர் நவீன் இயக்கும் அடுத்த படத்தின் டைட்டில் இன்று வெளியாகும் என்று அறிவிக்கப்பட்ட நிலையில் சற்றுமுன் இந்த படத்தின் வித்தியாசமான டைட்டில் வெளியாகியுள்ளது.

நவீன் இயக்கும் அடுத்த படத்திற்கு 'அலாவுதீனின் அற்புத கேமிரா' என்ற டைட்டில் வைக்கப்பட்டுள்ளது. இந்த டைட்டில் அனைவரையும் கவர்ந்தது மட்டுமின்றி டுவிட்டர் டிரெண்டில் முதலிடத்தில் உள்ளது என்பதும் குறிப்பிடத்தக்கது.

இந்த படத்தில் நடிக்கும் நட்சத்திரங்கள் குறித்த தகவல் இன்னும் வெளிவரவில்லை என்றாலும் தொழில்நுட்ப கலைஞர்களின் விபரங்கள் வெளிவந்துள்ளது. இந்த படத்திற்கு கே.ஏ.பாட்ஷா ஒளிப்பதிவும், கிருபாகரன் புருஷோத்தமன் படத்தொகுப்பு பணியும் செய்கின்றனர். மேலும் இந்த படத்திற்கு சங்கரன் இசையமைக்க யுகபாரதி அவரது இசைக்கு பாடல்கள் எழுதுகிறார். இந்த படத்தை ஒயிட் ஷேடோஸ் புரடொக்சன்ஸ் நிறுவனம் தயாரிக்கவுள்ளது