மோனிகாசிவா விஜய் மகளா? 'விஜய் 60' படக்குழுவினர் விளக்கம்
- IndiaGlitz, [Wednesday,July 06 2016]
இளையதளபதி விஜய் நடிக்கும் 'விஜய் 60' படத்தில் மோனிகா சிவா என்ற குழந்தை நட்சத்திரம் ஒரு முக்கிய கேரக்டரில் நடிக்கவுள்ளார் என்று வெளியான செய்தியை நேற்று பார்த்தோம். இந்நிலையில் ஒருசில இணணயதளங்களில் மோனிகாசிவா, விஜய்யின் மகளாக நடிக்கவுள்ளதாக செய்திகள் வெளியிட்டன.
இந்நிலையில் இந்த செய்திக்கு தற்போது படக்குழுவினர் விளக்கம் அளித்துள்ளனர். விஜய் 60' படத்தில் மோனிகாசிவா முக்கிய கேரக்டரில் நடிப்பது உண்மைதான். ஆனால் விஜய்யின் மகளாக அவர் நடிக்கவில்லை. இருப்பினும் அவர் விஜய்யுடன் பல காட்சிகளில் இணைந்து நடிக்கவுள்ளார்' என்று கூறினர்.
வெளிநாட்டிற்கு ஓய்வு எடுக்க சென்றுள்ள விஜய் சென்னை திரும்பியதும் நடைபெறும் அடுத்த கட்ட படப்பிடிப்பில் விஜய்யுடன் மோனிகா சிவா நடிப்பார் என எதிர்பார்க்கப்படுகிறது.
விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி, சுதன்ஷி பாண்டே, உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்து வருகிறார். விஜயா புரடொக்ஷன்ஸ் நிறுவனம் பிரமாண்டமாக தயாரிக்கும் இந்த படத்தை 'அழகிய தமிழ்மகன்' பரதன் இயக்கி வருகிறார்.