ஓடிடி பிளாட்பாரத்தில் வெற்றிகரமாக ஒளிபரப்பாகிவரும் மணி ஹெய்ஸ்ட்’ சீரியல் குறித்து தெரியாதவர்கள் இருக்க முடியாது. இந்த சீரியலில் நடித்து வரும் ஒவ்வொரு நட்சத்திரத்தையும் தமிழ் நடிகர் நடிகைகளுடன் ஒப்பிட்டு அவ்வப்போது செய்திகள் வெளிவந்து கொண்டிருக்கின்றன என்பது தெரிந்ததே. அந்த அளவுக்கு இந்த சீரியலில் அனைத்து கேரக்டர்களும் ரசிகர்களின் மனதில் ஆழப்பதிந்துவிட்டது என்பது குறிப்பிடத்தக்கது

இந்த நிலையில் மணி ஹெய்ஸ்ட்’ சீரியலில் நைரோபி என்ற முக்கிய கேரக்டரில் நடித்து வரும் நடிகை ஆல்பா ஃபுளோரோ என்பவர் ஸ்பானிஷ் நாட்டின் நடிகை என்பது பலர் அறிந்ததே. ஆனால் இவர் கடந்த 2013ம் ஆண்டிலேயே தெலுங்கு மொழியில் ஒரு தொலைக்காட்சி தொடர் ஒன்றில் நடித்து உள்ளார் என்றும் அந்த தொடரில் அவர் சரளமாக தெலுங்கு மொழி பேசியது குறித்து காட்சிகளின் வீடியோ தற்போது இணையதளங்களில் வைரலாக வருகிறது என்பதும் குறிப்பிடத்தக்கது.

அந்த சீரியலின் ஒரு காட்சியில் ஆந்திரப்பிரதேச மாநிலத்தில் உள்ள ஒரு கிராமத்தில் இருக்கும் மக்களுக்கு அவர் விழிப்புணர்வை ஏற்படுத்தி வருவது போன்றும், அப்போது அவர் தெலுங்கில் இருந்து ஸ்பானிஷ் மொழிக்கும், ஸ்பானிஷ் மொழியில் இருந்து தெலுங்கு மொழிக்கும் மொழி பெயர்த்து பேசி வருவதும் பேசுவது போன்ற காட்சி உள்ளது. இந்த வீடியோ தற்போது இணையதளங்களில் வைரலாகி வருகிறது என்பது குறிப்பிடத்தக்கது