ఐదు సినిమాల్లో న‌టించిన మోనాల్ గ‌జ్జ‌ర్‌కు ఇక సినిమాల్లో అవ‌కాశాలు రావు అని అనుకుంటున్న త‌రుణంలో బిగ్‌బాస్ 4 ఆమె రూట్‌ను మార్చేసింది. బిగ్‌బాస్ 4లో కంటెస్టెంట్‌గా పాల్గొన్న మోనాల్ గ‌జ్జ‌ర్‌...సీజ‌న్‌కు సెంటరాఫ్ ఎట్రాక్ష‌న్‌గా మారింది. బిగ్‌బాస్ విన్న‌ర్ అభిజీత్‌, ర‌న్న‌ర‌ప్ అఖిల్‌తో ల‌వ్ ట్రాక్ న‌డుపుతున్న‌ట్లు బిల్డ‌ప్ ఇస్తూ రావ‌డంతో నిర్వాహ‌కులు కూడా మోనాల్‌ను బిగ్‌బాస్ హౌస్‌లో కంటిన్యూ చేశారు. ఫైన‌ల్ ముందు ఏపిసోడ్ వ‌ర‌కు బిగ్‌బాస్ 4 హౌస్‌లో కొన‌సాగిన మోనాల్‌కు బ‌య‌ట‌కు రాగానే అవ‌కాశాలు క్యూ కుడుతున్నాయి. బుల్లితెర‌, సినిమాల్లో అవ‌కాశాలు బాగానే వ‌స్తున్నాయ‌ట‌. రీసెంట్‌గా ఓంకార్ చేస్తున్న డాన్స్ ప్ల‌స్‌లో మెరిసిన మోనాల్‌కు మ‌రో మంచి అవ‌కాశం ద‌క్కింద‌ట‌.

అదేంటంటే.. బెల్లంకొండ శ్రీనివాస్ హీరోగా సంతోష్ శ్రీనివాస్ ద‌ర్శ‌క‌త్వంలో రూపొందుతోన్న చిత్రం అల్లుడు అదుర్స్ సినిమాలో ఓ ఐటెమ్ సాంగ్ కోసం ద‌ర్శ‌క నిర్మాత‌లు మోనాల్‌ను సంప్ర‌దించార‌ట‌. ఓ పాట కోసం మోనాల్ ఏకంగా ప‌దిహేను ల‌క్ష‌ల రూపాయ‌ల‌ను డిమాండ్ చేసింద‌ట‌. నిర్మాత‌లు కూడా ఇవ్వ‌డానికి రెడీ అయిపోయారు. ఏదైతేనేం బిగ్‌బాస్ వ‌ల్ల మోనాల్ బాగానే ఫేమ్‌లోకి వ‌చ్చింద‌ని ఇండ‌స్ట్రీ జ‌నాలు అనుకుంటున్నారు.