నంద‌మూరి బాల‌కృష్ణ త‌న‌యుడు మోక్ష‌జ్ఞ సినీ రంగ ప్ర‌వేశానికి స‌ర్వం సిద్ధ‌మ‌వుతోంది. 'య‌న్‌.టి.ఆర్' బ‌యోపిక్‌లో రెండు, మూడు సీన్స్‌లో మోక్ష‌జ్ఞ క‌నిపిస్తాడ‌ని వార్త‌లు విన‌ప‌డుతున్నాయి. కాగా మోక్ష‌జ్ఞ పూర్తిస్థాయి హీరోగా ఎంట్రీ ఇవ్వ‌డానికి అన్నీ సిద్ధ‌మ‌వుతున్నాయి. ద‌ర్శ‌కుడెవ‌ర‌నే దానిపై కొంత మంది పేర్లు ప్ర‌ముఖంగా విన‌ప‌డుతున్నాయి.

వీరిలో బోయ‌పాటి శ్రీను, క్రిష్ వంటి ద‌ర్శ‌కులున్నారు. కాగా ఇప్పుడు వీరి లిస్టులో పూరి జ‌గ‌న్నాథ్ కూడా చేరారు. బాల‌కృష్ణ‌తో 'పైసా వ‌సూల్' సినిమాను పూరి డైరెక్ట్ చేశారు. అప్ప‌టి నుండి ఇద్ద‌రి మ‌ధ్య మంచి అనుబంధం కొన‌సాగుతుంది.

అదీగాక హీరోల‌కు మాస్ ఇమేజ్‌ను క‌ట్ట‌బెట్టేలా సినిమాను తెర‌కెక్కించ‌డంలో పూరి దిట్ట. రామ్‌చ‌ర‌ణ్‌, పునీత్ రాజ్‌కుమార్‌, ఇషాన్ వంటి హీరోల‌ను పూరి ఇంట్ర‌డ్యూస్ చేశాడు. కాబ‌ట్టి పూరి పేరు కూడా మోక్ష‌జ్ఞ‌ను డైరెక్ట్ చేయ‌బోయే ద‌ర్శ‌కుల లిస్టులో ప్ర‌ముఖంగా విన‌ప‌డుతుంది.