സിനിമ പ്രേമികൾ വൻ പ്രതീക്ഷയോടെ കാത്തിരിക്കുന്ന മോഹൻലാൽ ചിത്രമായ എലോൺ ക്രിസ്തുമസിന് തീയറ്ററുകളിൽ. 12 വര്‍ഷത്തെ ഇടവേളയ്ക്ക് ശേഷം ഷാജി കൈലാസ്-മോഹന്‍ലാല്‍ കൂട്ടുകെട്ടില്‍ എത്തുന്ന ചിത്രമെന്ന പ്രേത്യേകത കൂടി ഇതിനുണ്ട്. എന്നാൽ ഇപ്പോൾ ചിത്രത്തിന്റെ റിലീസ് ഡേറ്റ് സംബന്ധിച്ച സൂചനകൾ എത്തിയിരിക്കുകയാണ്.

ചിത്രം ഡിസംബർ 2ന് തിയേറ്ററിൽ എത്തുമെന്നാണ് റിപ്പോർട്ടുകൾ പറയുന്നത്. ചിത്രത്തിന്റെ റിലീസ് സൂചന എത്തിയതോടെ ഈ വർഷത്തെ ക്രിസ്മസ്, ലാലേട്ടൻ എടുത്തു എന്നാണ് ആരാധകർ പറയുന്നത്. എലോൺ ചിത്രത്തിന് രാജേഷ് ജയറാം ആണ് തിരക്കഥ രചിച്ചിരിക്കുന്നത്. വെറും 17 ദിവസങ്ങള്‍ കൊണ്ടാണ് ചിത്രത്തിന്റെ ഷൂട്ടിംഗ് പൂർത്തിയാക്കിയത്. ആശിര്‍വാദ് സിനിമാസ് നിര്‍മ്മിക്കുന്ന ചിത്രം ഒടിടി റിലീസ് ലക്ഷ്യമിട്ടാണ് ഒരുക്കിയതെങ്കിലും പിന്നീട് തീയേറ്ററിൽ റിലീസ് ചെയ്യാൻ തീരുമാനിക്കുകയായിരുന്നു. അഭിനന്ദന്‍ രാമാനുജം ആണ് എലോണിന്റെ ഛായാഗ്രഹണം നിര്‍വഹിക്കുന്നത്. എഡിറ്റിങ് ഡോണ്മാക്‌സ്, സംഗീതം ജേക്‌സ് ബിജോയ്.