இந்திய சினிமாவில் முக்கிய நடிகர்களின் பட்டியலில் உள்ள மலையாள சூப்பர் ஸ்டார் மோகன்லால் நடிப்பில் சமீபத்தில் வெளிவந்த 'லூசிஃபயர்' மிகப்பெரிய வெற்றி பெற்றது. ஒரு நடிகராக ஐந்து முறை தேசிய விருதும், பத்மஸ்ரீ உள்பட பல பெருமைக்குரிய விருதுகளும் பெற்ற மோகன்லால் தற்போது புதிய அவதாரம் ஒன்றை எடுக்க திட்டமிட்டுள்ளார். ஆம், மோகன்லான் விரைவில் இயக்குனராகிறார்.

மோகன்லால் இயக்கும் முதல் படத்திற்கு “ப்ரோஸ் கார்டியன் ஆஃப் காமா” என்று பெயர் சூட்டப்பட்டுள்ளது. இந்த படம் 3D டெக்னாலஜியில் உருவாகவிருப்பதாக மோகன்லால் தனது இணையதள பிளாக்கில் தெரிவித்துள்ளார். இந்த படம் குறித்த மற்ற விபரங்கள் விரைவில் தெரிவிப்பதாகவும் அதில் அவர் குறிப்பிட்டுள்ளார்.

ஒரு நடிகராக பல்வேறு சாதனைகள் புரிந்த மோகன்லால் இயக்குனர் துறையிலும் பல சாதனைகள் நிகழ்த்த அனைவரும் வாழ்த்துவோம்.