గ‌త ఏడాది ఫిబ్ర‌వ‌రిలో న‌టి భావ‌నను లైంగికంగా వేధించిన కేసులో హీరో దిలీప్‌ను పోలీసులు అరెస్ట్ చేసిన సంగ‌తి తెలిసిందే. ఇటీవ‌లే దిలీప్ బెయిల్‌పై బ‌య‌ట‌కు కూడా వ‌చ్చారు. చాలా రోజుల పాటు వివాదం కొన‌సాగింది. అయితే ఆసోసియేష‌న్ ఆఫ్ మల‌యాళం మూవీ ఆర్టిస్ట్స్‌(అమ్మ‌) నుండి దిలీప్‌ను తొల‌గిస్తున్న‌ట్లు మోహ‌న్‌లాల్ ప్ర‌క‌టించారు.

దిలీప్ పంపిన రాజీనామా లేఖ‌ను ఆయ‌న ఆమోదించారు. దీనిపై మోహ‌న్‌లాల్ స్పందిస్తూ 'నేను దిలీప్‌ను పిలిచి అమ్మ స‌భ్య‌త్వానికి రాజీనామా చేయ‌మ‌ని అడిగాను. ఆయ‌న సంత‌కం చేసిన రాజీనామా లేఖ‌ను పంపారు. ఈ వివాదంలో న‌న్ను అన‌వ‌స‌రంగా నిందిస్తున్నారు' అంటూ ఆయ‌న అన్నారు.

వివాద స‌మ‌యంలో అమ్మ స‌భ్య‌త్వానికి రాజీనామా చేసిన దిలీప్ బెయిల్‌పై బ‌య‌ట‌కు రాగానే మ‌ళ్లీ స‌భ్య‌త్వం ఇచ్చారు. దీంతో న‌టి భావ‌న‌.. ఆమెకు మద్దతుగా రిమా కలింగల్‌, రమ్య నంబిసన్‌, గీత్‌ మోహన్‌దాస్ అమ్మ నుండి త‌ప్పుకున్నారు. దిలీప్‌కు మోహ‌న్‌లాల్ మ‌ద్ధ‌తు ఇస్తున్నార‌ని కూడా విమ‌ర్శ‌లు వ‌చ్చాయి. ఎట్ట‌కేల‌కు దిలీప్ రాజీనామాతో వివాదం ఓ కొలిక్కి వ‌చ్చింది.