மோகன்லாலுக்கு கிடைத்த சர்வதேச அங்கீகாரம்
- IndiaGlitz, [Saturday,October 15 2016]
மலையாள சூப்பர் ஸ்டார் மோகன்லால் நடித்த 'புலிமுருகன்' திரைப்படம் சமீபத்தில் வெளியாகி மாபெரும் வெற்றியை பெற்றது. கேரளாவில் மட்டும் சுமார் 400 திரையரங்குகளில் வெளியான இந்த படம் ஐந்து நாட்களில் ரூ.20 கோடி வசூல் செய்து அனைவரையும் ஆச்சரியப்படுத்தியது.
இந்நிலையில் இந்த படம் தற்போது சீன, வியட்நாம் மொழிகளில் டப் செய்யப்படவுள்ளதாக கூறப்படுகிறது. மேலும் ஆங்கிலம் மற்றும் இந்தி மொழிகளிலும் டப் செய்யப்பட்டு உலகின் பெரும்பாலான நாடுகளில் ரிலீஸ் செய்ய படக்குழு திட்டமிட்டுள்ளது. இதனால் இந்த படத்திற்கு சர்வதேச அங்கீகாரம் கிடைக்கும் என எதிர்பார்க்கப்படுகிறது.
ஏற்கனவே சமீபத்தில் ரிலீஸ் ஆன மோகன்லாலின் 'ஒப்பம்' இன்னும் அரங்கு நிறைந்த காட்சிகளாக பல திரையரங்குகளில் ஓடிக்கொண்டிருக்கும் நிலையில் 'புலிமுருகன்' திரைப்படமும் வெற்றி பெற்றுள்ளதால் மோகன்லால் ரசிகர்கள் உற்சாகத்தின் உச்சியில் உள்ளனர்.