சூர்யா நடிப்பில் கே.வி.ஆனந்த் இயக்கி வரும் திரைப்படத்தின் இரண்டாம் கட்ட படப்பிடிப்பு நடந்து வரும் நிலையில் இந்த படத்தில் பிரதமராக ஒரு பிரபல நடிகர் நடித்திருக்கும் செய்தியும் அதுகுறித்த புகைப்படமும் வெளிவந்துள்ளது.

சூர்யாவின் அடுத்த படத்தில் மலையாள சூப்பர் ஸ்டார் மோகன்லால் நடித்து வருவது தெரிந்ததே. இந்த படத்தில் அவர் பிரதமராக நடிப்பதாக கூறப்படுகிறது. சற்றுமுன் இந்த படத்தின் மோகன்லால் கெட்டப் குறித்த புகைப்படம் வெளிவந்துள்ளது. இந்த கெட்டடப்பில் இருந்து அவர் பிரதமராக நடித்து வருவதாக தெரிகிறது. இருப்பினும் இந்த தகவலை படக்குழுவினர் உறுதி செய்யவில்லை.

சூர்யா, மோகன்லால், ஆர்யா, சிராஜ் ஜானி, சாயிஷா, சமுத்திரக்கனி, பொமன் இராஅனி உள்பட பலர் நடித்து வரும் இந்த படத்தை லைகா நிறுவனம் பெரும் பொருட்செலவில் தயாரித்து வருகிறது. இந்த படத்திற்கு ஹாரீஸ் ஜெயராஜ் இசையமைத்து வருகிறார்.