కొన్ని అరుదైన కాంబినేష‌న్స్‌ను తెర‌పై చూసి ప్రేక్ష‌కుల తెగ ఎంజాయ్ చేస్తుంటారు. అలాంటి క్రేజీ కాంబినేష‌న్‌లో మ‌రో సినిమా రూపొంద‌నుంది టాలీవుడ్‌లో గుస గుస‌లు విన‌ప‌డుతున్నాయి. అలాంటి ఓ కాంబినేష‌న్‌లో మెగాస్టార్ చిరంజీవి, క‌లెక్ష‌న్ కింగ్ మోహ‌న్‌బాబుల‌ది. వీరిద్ద‌రూ కెరీర్ ప్రారంభం నుండి 1990 వ‌ర‌కు క‌లిసి ప‌లు చిత్రాల్లో న‌టించారు. 1990లో విడుద‌లైన `కొద‌మ‌సింహం` వీరి క‌ల‌యిక‌లో వ‌చ్చిన చివ‌రి సినిమా. త‌ర్వాత అప్ప‌టి వ‌ర‌కు విల‌న్‌గా చేస్తూ వ‌చ్చిన మోహ‌న్‌బాబు త‌ర్వాత హీరోగా మారి సినిమాలు చేసుకుంటూ వ‌చ్చారు.

దాదాపు మూడు ద‌శాబ్దాల త‌ర్వాత వీరి క‌లయిక‌లో సినిమా రానుందట‌. మెగాస్టార్ చిరంజీవి 152వ చిత్రం కొర‌టాల ద‌ర్శ‌క‌త్వంలో తెర‌కెక్కుతోన్న సంగ‌తి తెలిసిందే. ఈ చిత్రంలో మోహ‌న్‌బాబు ప్ర‌తినాయ‌కుడిగా క‌నిపిం చ‌బోతున్నార‌ని సోష‌ల్ మీడియాలో వార్త‌లు విన‌ప‌డుతున్నాయి. ఈ సినిమాలో న‌టించ‌డానికి మోహ‌న్‌బాబు కూడా ఓకే అన్నార‌ని టాక్‌. త్రిష ఈ సినిమాలో హీరోయిన్‌గా న‌టిస్తుండ‌గా కీల‌క పాత్ర‌లో రామ్‌చ‌ర‌ణ్ కూడా న‌టిస్తార‌ట‌. ఆగ‌స్ట్ 14న ఈ సినిమాను విడుద‌ల చేయ‌డానికి ప్లాన్ చేస్తున్నార‌ని స‌మాచారం.