దేవుడి దయతో విష్ణు సురక్షితం - మోహన్ బాబు
- IndiaGlitz, [Sunday,July 30 2017]
మంచు విష్ణు ప్ర‌స్తుతం ఆచారి అమెరికా యాత్ర సినిమా చిత్రీక‌ర‌ణ‌లో ఉన్నాడు. మ‌లేషియాలో షెడ్యూల్ చిత్రీక‌ర‌ణ జ‌ర‌గుతుంది. అందులో భాగంగా ఓ బైక్ స‌న్నివేశాన్ని చిత్రీక‌రిస్తున్న‌ప్పుడు బైక్ స్కిడ్ కావ‌డంతో మంచు విష్ణుకు గాయాల‌య్యాయి. విష్ణును ద‌గ్గ‌రిలోని ఆసుప‌త్రిలో జాయిన్ చేశారు. విష్ణు పెద్ద ప్ర‌మాదం నుండి చిన్న గాయాల‌తో బ‌య‌ట‌ప‌డ్డాడు.
ఈ బైక్‌పై ప్ర‌గ్యాజైశ్వాల్ ఉన్న‌ప్ప‌టికీ ఆమెకేం కాలేదు. దేవుడి దయతో విష్ణు సుర‌క్షితంగా ఉన్నాడ‌ని మోహ‌న్‌బాబు ట్వీట్ చేశాడు. ట్విట్ట‌ర్‌లో మంచు మ‌నోజ్‌, మంచు ల‌క్ష్మి ప్ర‌స‌న్న, బి.వి.ఎస్‌.ర‌వి త‌దిత‌రులు మంచు విష్ణుకేం కాలేద‌ని తెలిపారు. జి.నాగేశ్వ‌ర‌రెడ్డి ద‌ర్శ‌క‌త్వంలో ఆచారి ఆమెరికా యాత్ర తెర‌కెక్కుతోంది.