విల‌క్ష‌ణ న‌టుడు, మాజీ రాజ్య‌స‌భ స‌భ్యుడు, శ్రీవిద్యానికేత‌న్ అధినేత డా.మంచు మోహ‌న్ బాబును తిరుప‌తిలో పోలీసులు హౌస్ ఆరెస్ట్ చేశారు. ఇంత‌కు పోలీసులు మోహ‌న్‌బాబును ఎందుకు ఆరెస్ట్ చేశారో తెలుసా?.. ఆంధ్ర‌ప్రదేశ్ ప్ర‌భుత్వం ప్ర‌క‌టించిన ఫీజు రియంబ‌ర్స్‌మెంట్ ప‌థ‌కం స‌రిగ్గా అమ‌లు కావ‌డం లేదని ఇది వ‌ర‌కే బ‌హిరంగంగా త‌న అసంతృప్తిని వ్య‌క్తం చేసిన మోహ‌న్‌బాబు.. నేడు నిర‌స‌న ర్యాలీకి పిలుపునిచ్చారు.

శ్రీవిద్యానికేత‌న్ సంస్థ‌ల నుండి తిరుప‌తి వ‌ర‌కు నిర‌స‌న పాద‌యాత్ర‌ను చేపడుతున్న‌ట్లు ప్ర‌క‌టించారు. అయితే ప్ర‌భుత్వం ఎన్నిక‌లు సంద‌ర్భంగా ఈ నిర‌స‌న ర్యాలీకి అంగీక‌రించ‌లేదు. ఎట్టి ప‌రిస్థితుల్లోనైనా నిర‌స‌న ర్యాలీ నిర్వ‌హిస్తాన‌న్న మోహ‌న్‌బాబును ఈరోజు ఉదయం పోలీసులు హౌస్ అరెస్ట్ చేశారు. మ‌రిప్పుడు మోహ‌న్‌బాబు త‌దుప‌రి కార్యాచ‌ర‌ణ ఏంటో చూడాలి.